Fritz Reuter Literaturpries

De Fritz-Reuter-Literatur-Pries ward vergäwen för niege Literatur up Plattdüütsch, för språk- un literaturwätenschaftlich Arbeiten orrer för besünnere Leistungen för de Plääch von de nedderdüütsche Språk un Literatur.

Mit denn Pries gifft dat 3000 Euro von de Stadt Stemhågen, ünnerstütt’ von de Sporkass Niegenbramborg-Demmin.

Wecker denn Pries kriegen sall, entscheid’t ’ne Jury.

De Jury-Lüd sünd in de Såk künnig un kåmen ut de Medien. Sei wählen ut de Insennungen.

Wenn Sei sik bewarben willen, schicken Sei:

• Arbeiten up Nedderdüütsch, Lyrik orrer Prosa
• Arbeiten œwer de nedderdüütsche Språk
• Arbeiten œwer nedderdüütsche Schriewer, ehr Läwen un Wark un woans ehre Literatur upnåhmen ward.

De Pries ward an denn 07. November, Fritz Reuter sienen Gebuurtsdach, in dat Schlott Stemhågen œwergäwen.